— လုပ်ဆောင်ချက်များ၏နောက်ကွယ်မှ နိယာဟ် (ရည်ရွယ်ချက်) များအားဖြင့် လုပ်ဆောင်ချက်ကို အကဲဖြတ်ပါသည်။ 🎯
الأمور بمقاصدها Al-umūru bi-maqāṣidihā
ဒါက ဘယ်ကနေဖြစ်ပေါ်လာတာလဲ ❓
ဒီ ကိုင်ဒါဟ်ကတော့ အလ်-ဗူခါဟ်ရီ နှင့် အလ်-မွတ်စ်လင်မ် ကျမ်းတွေထဲမှာ ပါဝင်တဲ့ ကျော်ကြားတဲ့ ဟဒီးဆ်တော်တစ်ခု ကနေ တိုက်ရိုက်ဆင်းသက်လာတာပဲဖြစ်ပါတယ်။ 📖
“ကောင်းမှုကုသိုလ်တိုင်းကို ပြုလုပ်သူရဲ့ နိယာဟ်ဖြင့်သာ အကဲဖြတ်မှာဖြစ်ပြီး
လူတိုင်းက ကိုယ့်နိယာဟ်ရှိသည့်အတိုင်း ပြန်လည်ရရှိမှာပဲဖြစ်တယ်”
ဒီဟဒီးဆ်တော်မှာ ပညာရှင်ကြီးများက သေးငယ်ပေမဲ့ ချင့်ချိန်ပြီးဆင်ခြင်ထားတဲ့ ညှိနှိုင်းချက်တစ်ခု ပြုထားခဲ့ပါတယ်။ 🧠
ဟဒီးဆ်တော်ထဲမှာ အမလ် (ကောင်းမှုကုသိုလ်) ကို သုံးထားပြီး
ကိုင်ဒါဟ်ထဲမှာတော့ အူမာရ် (အကြောင်းအရာများ) ကို အသုံးပြုထားပါတယ်။
လုပ်ဆောင်ချက်တွေ၊ စကားလုံးအရဖွင့်ဟပြောဆိုချက်တွေပါ ပါဝင်နေတဲ့ ပိုပြီးကျယ်ပြန့်တဲ့ အသုံးအနှုန်းအနေဖြင့် အကြောင်းအရာများကို အသုံးပြုထားတာ ပဲ ဖြစ်ပါတယ်။ 🌍
ဒီလိုပြောင်းလိုက်တာက ရည်ရွယ်ချက်နှင့် ပြောင်းထားတာဖြစ်ပါတယ်။
ဒီလိုမျိုး အကြောင်းအရာကို
ပြုလုပ်သူရဲ့ နိယာဟ်ဖြင့်သာ အကဲဖြတ်မှာဖြစ်ပြီး လူတိုင်းက ကိုယ့်နိယာဟ်ရှိသည့်အတိုင်း ပြန်လည်ရရှိမှာပဲဖြစ်တယ် လို့ ပြောင်းလဲလိုက်ခြင်းအားဖြင့်
ဒီသဘောတရားကို
- အရောင်းအဝယ်တွေ 💰
- ကျမ်းကျိန်တာတွေ ✋
- ဟောပြောတာတွေ 🎤
အပါအဝင် ခဝပ်ကိုးကွယ်ခြင်းကို ပြုမှုနေတဲ့ ကိုယ်ထိလက်ရောက်အပြုအမှုများသာမက ပိုကျယ်ပြန့်စွာ ဖုံးလွှမ်းလိုက်နိုင်ပါတယ်။
အီမာန် အလ်-ရှာဖီအ်၊ အီမာန် အဟာမဒ် နှင့် အခြားသော ပညာရှင်ကြီးတွေက
ဒီဟဒီးဆ်တော်သည် အစ္စလာမ့် အသိပညာအားလုံး၏ သုံးပုံတစ်ပုံကို ကိုယ်စားပြုနေပါတယ် လို့ ယူဆသုံးသပ်ခဲ့ကြပါတယ်။ 📚
အလ်-စုယူသီ ကလည်း
နိယာဟ်သည် ဖိက်ဟ်၏ ကဏ္ဍပေါင်း ၇၀ မကတွင် ပါဝင်နေပါတယ် လို့ မှတ်ချက်ပြုခဲ့ကြပါတယ်။
အီမာန် အလ်-ဗူခါဟ်ရီ ကိုယ်တိုင်ကလည်း
ဒီဟဒီးဆ်တော်သည် အရာအားလုံးကို အတူတကွဖြစ်အောင် ချုပ်ကိုင်ထားတဲ့ အသေးစိတ်ကျတဲ့ အချက်ပြမှုတစ်ခု ဖြစ်တဲ့အတွက် သူ့ရဲ့ ဟဒီးဆ်တော်ပေါင်းချုပ်တစ်ခုလုံးကို လည်း ဒီအချက်ဖြင့်သာ ဖွင့်ဟထားခဲ့ပါတယ်။
ဒီကိုင်ဒါဟ်က လက်တွေ့မှာ ဘယ်လိုအသုံးဝင်မှာလဲ ❓
ဒီ ကိုင်ဒါဟ် မှာ အဓိက လားရာ ၂ ခု ရှိပါတယ်။
၁️။ ပထမအချက်
ကောင်းတဲ့နိယာဟ်သည် တားမြစ်ချက်ကို ခွင့်ပြုချက်တစ်ခုအနေဖြင့် မပြောင်းလဲနိုင်ပါ။
လှူဒါန်းဖို့အတွက်ဆိုပြီး ခိုးယူခြင်း ကလည်း
ခိုးဝှက်ခြင်းပဲ ဖြစ်ပါတယ်။ 🚫
၂️။ ဒုတိယအချက်
မကောင်းတဲ့နိယာဟ်သည် အပြင်ပန်းအရမှန်ကန်တယ်လို့ထင်ရမဲ့ လုပ်ရပ်တစ်ခုကိုလည်း ပယ်ဖျက်နိုင်ပါတယ်။
လူတစ်ယောက်သည် အလ္လာဟ်() အတွက်ကြောင့်ဆိုတာထက်
လူတွေအမြင်မှာ ရဲရင့်တယ်လို့ အထင်ခံချင်တဲ့စိတ် ကြောင့် စစ်ဝင်တိုက်လျှင်
ကောင်းချီးကုသိုလ်ရနိုင်တာကို
ဖျက်စီးပြစ်နေတဲ့ နိယာဟ် ကြောင့်
ပြင်ပကနေပဲ ဂျီဟဒ်လုပ်ဆောင်နေတာ ဖြစ်သွားမှာပါ။
ပြင်ပလုပ်ဆောင်ချက်ဆိုတာက လူတွေကို မြင်သာစေတာ ဖြစ်ပေမဲ့ 👀
အတွင်းနိယာဟ်ကတော့ အလ္လာဟ်() ထံတော်မှာ စာရင်းဝင်သွားမှာပဲ ဖြစ်ပါတယ်။
ဥပမာတွေနှင့် ပိုမြင်သာအောင် ကြည့်ကြရအောင် 👇
ခဝပ်ကိုးကွယ်ခြင်း 🕌
လူတစ်ယောက်က ဗလီထဲမှာထိုင်နေတယ်။
ဒီလိုထိုင်နေတယ်ဆိုတဲ့ အပြုအမှုတစ်ခုက
အဓိပ္ပာယ် ၂ ခု ထွက်နိုင်ပါတယ်။
- ခရီးသွားနေရင်း ခဏတစ်ဖြုတ်ဝင်အနားယူနေတာ ဖြစ်နိုင်သလို
- အစ်သီကဖ် ဝင်နေတာ လည်း ဖြစ်နိုင်ပါတယ်
အလားတူပါပဲ
ဂူစူလ် (ရေချိုးခြင်း) 🚿 လုပ်ခြင်းက
- အရမ်းပူနေတဲ့ နေ့တစ်နေ့မှာ အေးမြသွားအောင် လုပ်တာမျိုး ဖြစ်နိုင်သလို
- ဂျနဗာဟ် ပြီးချိန်မှာ မဖြစ်မနေလုပ်ဆောင်ရတဲ့ သန့်စင်ခြင်း ကို ပြုလုပ်နေတာလည်း ဖြစ်နိုင်ပါတယ်
ဖြစ်ရပ် ၂ ခုလုံးမှာ
လက်တွေ့လုပ်ဆောင်ခြင်းက ဆင်တူပါတယ်။
ကွဲပြားနေတဲ့အချက်ရယ်
သူတို့ရဲ့ တရားဝင်အခြေအနေနှင့် ကောင်းကျိုးကုသိုလ်ကို ဆုံးဖြတ်ပေးနိုင်တာရယ် ကတော့
👉 နိယာဟ်ပဲ ဖြစ်ပါတယ်။
နိယာဟ်သာမရှိနေဘူးဆိုရင်
ခဝပ်ကိုးကွယ်မှုပြုတဲ့အပြုအမှုတွေကို အလ္လာဟ့်() အတွက်လုပ်တယ်လို့ ထည့်တွက်မှာ မဟုတ်ပါဘူး။
အရောင်းအဝယ်များ 💰
လူတစ်ယောက်က နောက်ထပ်တစ်ယောက်ကို ပိုက်ဆံပေးပြီး
“ဒါကိုယူလိုက်”
လို့ ပြောလိုက်တယ်။
ဒါက
- လက်ဆောင်အနေနဲ့ပေးတာလား 🎁
- ချေးလိုက်တာလား
- ယုံကြည်လို့ ခဏပေးထားတာလား
စကားလုံးတစ်ခုတည်းနှင့်
ဘာဆိုတာ ကျွန်မတို့ မပြောနိုင်ပါဘူး။
ဥပဒေစီရင်ချက် အရ
ပေးလိုက်တဲ့ငွေက
- ပြန်ပေးကိုပေးရမှာလား
- ထိန်းသိမ်းထားပေးရုံပဲလား
- သုံးလိုက်ရမှာလား
ဒါတွေအားလုံးက
ပေးလိုက်တဲ့သူရဲ့ နိယာဟ်ပေါ်မှာသာ လုံးလုံးလျားလျား မူတည်နေပါတယ်။
ဒါကြောင့် ဒီကိုင်ဒါဟ်အောက်မှာ ထပ်ခွဲထားတဲ့အသေးတစ်ခုက —
“အရောင်းအဝယ်တွေ၊ စာချုပ်စာတမ်းတွေထဲမှာ အရေးကြီးထည့်စဉ်းစားရမဲ့အချက်ကတော့ နိယာဟ်နှင့် အဓိပ္ပာယ်သာဖြစ်ပြီး စကားလုံးတွေ၊ ဖောင်တွေ မဟုတ်ပါဘူး”
ဒီသဘောတရားက
- ဟနဖီ
- မာလီကီ
- ဟန်ဗာလီ
မဟ်ဇဘ်တွေမှာ လက်ခံထားပါတယ်။
စာချုပ်တစ်ခုရဲ့ စကားလုံးတွေက ပို့ဆောင်ပေးတဲ့အရာဖြစ်ပြီး ✉️
နိယာဟ်ကတော့ ဥပဒေအရ အရောက်သွားရမဲ့ အရာပဲဖြစ်ပါတယ်။