𝐇𝐚𝐛𝐢𝐭 𝐍𝐨.𝟐𝟏 𝐏𝐥𝐚𝐧𝐧𝐢𝐧𝐠 𝐘𝐨𝐮𝐫 𝐌𝐞𝐚𝐥𝐬

အစားအသောက်ပုံစံသတ်မှတ်ဖန်တီးတတ်တဲ့အလေ့အကျင့်။

---

ကျွန်မတို့အတွက် မနက်တိုင်းမေးနေကြ စိတ်ရှုပ်ရတဲ့မေးခွန်းတစ်ခုက ဘာဖြစ်မလဲ။

ဒီနေ့ဘာစားမှာလဲ?

မနက်တိုင်းဒီမေးခွန်းကို စဉ်းစားနေရတာနဲ့ ကျွန်မတို့ရဲ့ မနက်ခင်းတွေက တစ်ခါတစ်ခါ အချိန်လည်း ကုန်သလို စိတ်ရှုပ်စရာကောင်းလှပါတယ်။

ချက်မစားဘဲ အပြင်မှာပဲ ဝယ်စားနေသူတွေအတွက်ကလည်း ငါဒီနေ့ဘာစားရမလဲ ဆိုတဲ့ မေးခွန်းက တကယ်ကို ခေါင်းကိုက်စရာပါ။

ကျွန်မတို့ အဲ့လိုအချိန်တိုင်း ဘာစားရမလဲဆိုတာ အာသီသမရှိနေရင် ရုတ်တရက်စဉ်းစားလို့မရရင် တော်တော့ကို စိတ်ညစ်ရပါတယ်။

ဒါတွေမဖြစ်အောင် ကာကွယ်လို့ရမဲ့ နည်းလမ်းတစ်ခုကတော့ ကိုယ့်ရဲ့ မနက်စာ၊ နေ့လည်စာ၊ ညစာကို ကြိုတင် plan ဆွဲထားခြင်းပဲ ဖြစ်ပါတယ်။

ကျွန်မကိုယ်တိုင်လည်း တစ်ပတ်စာ ကြိုတင် plan ဆွဲတဲ့အကျင့်လုပ်ထားပါတယ်။

တစ်ပတ်ပြည့်တိုင်း မိနစ် ၃၀ လောက်အချိန်ပေးပြီး စားသောက်မဲ့ plan ရော၊ စျေးဝယ်စာရင်း‌ရော တစ်ခါတည်း ထိုင်ရေးဖြစ်ပါတယ်။

ဒီလို အစီအစဉ်လုပ်ထားခြင်းအားဖြင့် မနက်တိုင်း ဘာစားရမလဲ ခေါင်းမရှုပ်ရသလို စျေးဝယ်တဲ့အခါ လိုတာတန်းဝယ်ဖို့ သိနိုင်တယ်၊ အပိုတွေ မဝယ်ဖြစ်သလို မချက်ဖြစ်လို့ ပုပ်သိုးသွားတာမျိုးတွေပါ မရှိတော့ပါဘူး။

ကျွန်မရဲ့ မိတ်ဆွေတို့ကိုလည်း တစ်ပတ်စာမဟုတ်ရင်တောင် အနည်းဆုံး ၂ ရက်၊ ၃ရက်စာလောက် plan လေး ပြင်ဆင်ထားစေချင်ပါတယ်။

အချိန်တွေမကုန်သလို စိတ်လည်းမရှုပ်စေနိုင်တာမို့ ဒီလို Meal plan ဆွဲတာကို လည်း လုပ်သင့်တဲ့အလေ့အကျင့် တစ်ခုအနေနဲ့ ထည့်ပြီး မျှဝေပေးလိုက်ပါတယ်ရှင်။