𝐇𝐚𝐛𝐢𝐭 𝐍𝐨.𝟏𝟐- 𝐇𝐚𝐛𝐢𝐭 𝐨𝐟 𝐀𝐝𝐦𝐢𝐭𝐭𝐢𝐧𝐠 𝐌𝐢𝐬𝐭𝐚𝐤𝐞𝐬 𝐚𝐧𝐝 𝐅𝐨𝐫𝐠𝐢𝐯𝐢𝐧𝐠 𝐎𝐭𝐡𝐞𝐫𝐬

အမှားကျူးလွန်မိရင် ဝန်ခံတတ်ပြီး တခြားသူရဲ့ အမှားကိုလည်း ခွင့်လွှတ်ပေးတတ်တဲ့အလေ့အကျင့်။

---

အမှားနှင့်ကင်းတဲ့လူသားဆိုတာ‌ ကြားဖူးကြလား?

Allah (سبحانه وتعالى) က လူသားအားလုံးကို အမှားကျူးလွန်နိုင်စွမ်းတွေနဲ့ ဖန်ဆင်းထားတာပါ။ ဒီလိုဖန်ဆင်းမှုရဲ့ နောက်ကွယ်မှာလည်း ကျွန်မတို့ လူသားတွေ မသိနိုင်တဲ့ အသိပညာတွေရှိနေပါတယ်။

အရေးကြီးတာက ဘဝမှာ အမှားတတ်နိုင်သမျှ မကျူးလွန်ဘဲ နေထိုင်သွားနိုင်ဖို့ပါ။ h

တကယ်တမ်းမှာ အမှားတွေက ကျွန်မတို့ကို ခွင့်လွတ်မှုတောင်းခံတတ်ဖို့ ကူညီပေးနေသလို သင်ယူတတ်ဖို့၊ ပိုပြီး အသိပညာကြီးမားစွာနဲ့ ကြီးပြင်းလာဖို့ ကူညီပေးနေတာပါ။

အမှားဆိုတာက ကိုယ့်ကိုယ်ကို တိုးတက်မှုဖြစ်စေဖို့ အထောက်အကူတစ်ခုဖြစ်နိုင်သလို ကျွန်မတို့တွေဟာ မပြည့်စုံနေတဲ့လူသားတွေဖြစ်တယ်ဆိုတာကို အသိပေးနေတာလည်း ဖြစ်ပါတယ်။

ဒါပေမဲ့လည်း ကျွန်မတို့က အမှားတစ်ခုကျူးလွန်ပြီးတိုင်း အခွင့်အရေးတစ်ခုအနေနဲ့ မစဉ်းစားကြဘဲ ကံဆိုးတယ်၊ ဒုက္ခများတယ်လို့သာ ယူဆကြပါတယ်။

ဒါ့ကြောင့် ကျွန်မတို့တွေဟာ အမှားကျူးလွန်မိရင် ဝန်ခံတတ်တဲ့အလေ့အကျင့်မျိုး မွေးမြူသင့်ပါတယ်။

ဒါ့အပြင် ဘဝမှာ ဘာအမှားမှမကျူးလွန်ဘဲ တစ်ဘဝလုံးကို ဖြတ်သန်းမယ်ဆိုတဲ့ စိတ်ဆန္ဒတွေ ရှိနေတတ်ကြတာ၊ မျှော်လင့်တတ်ကြတာ တကယ်တော့ အရမ်းကို လမ်းလွဲနေပါတယ်။

ကျွန်မတို့ ကျူးလွန်မိတဲ့အမှားကို Allah (سبحانه وتعالى) ထံ ခွင့်လွှတ်မှုတောင်းခံပြီး ခွင့်လွတ်မှုပေးခံရဖို့ ဆုတောင်းနေရမှာ မလွဲမသွေပါဘဲ။

ထိုနည်းတူစွာပင် လူတစ်ယောက်က အမှားတစ်ခု ကျူးလွန်မိပြီဆိုရင် ဒီအမှားကို ကျော်ဖြတ်နိုင်ပြီး ကိုယ့်အနားမှာရှိတဲ့ လူတွေကိုလည်း အမှားရှိရင်ခွင့်လွှတ် ပေးတတ်ဖို့ ကြိုးစားသင့်ပါတယ်။

အနှစ်ချုပ်အနေနဲ့ ဒီနေ့အလေ့အကျင့်လေးကတော့ အမှားကို တတ်နိုင်သမျှရှောင်ရှားဖို့၊ အမှားပြုလုပ်မိတယ်ဆိုရင်လည်း ပြန်ပြင်တတ်ဖို့၊ Allah (سبحانه وتعالى) ထံမှ ခွင့်လွှ်တ်မှု တောင်းခံတတ်ဖို့၊ တခြားသူတွေရဲ့ အမှားတွေကိုလည်း တတ်နိုင်သမျှ ခွင့်လွှတ်ပေးဖို့ ကြိုးစားတဲ့ အလေ့အကျင့်ပဲ ဖြစ်ပါတယ်။

ကောင်းမှုတွေကြိုးစားပြုနေတဲ့ ဒီလို လမြတ်ရမဇာန်မှာ ကျွန်မရဲ့ မိတ်ဆွေတို့လည်း ဒီလို အလေ့အကျင့်ကောင်းတွေ ကျင့်ကြံသွားနိုင်ကြပါစေနော်။