𝐇𝐚𝐛𝐢𝐭 𝐍𝐨.𝟏𝟒 𝐓𝐫𝐮𝐬𝐭𝐢𝐧𝐠 𝐀𝐥𝐥𝐚𝐡’𝐬 𝐏𝐥𝐚𝐧

Allah (سبحانه وتعالى) plan ကို ယုံကြည်ဖို့ သတိပေးတတ်တဲ့အလေ့အကျင့်။

---

ကိစ္စတွေက ကိုယ်စီစဉ်ထားသလို ဖြစ်မလာတာမျိုး ကြုံဖူးကြတယ်ဟုတ်။

အဲ့လိုအချိန်တွေမှာ ကျွန်မတို့ ဘယ်လိုတွေးမိတတ်ကြသလဲ။

တစ်ယောက်နဲ့ တစ်ယောက်ခံယူပုံခြင်းတူမှာ မဟုတ်ပေမဲ့ အများစုကတော့ “ဘာလို့ငါ့ကျမှ ဖြစ်ရတာလဲ။ ငါတို့ကို Allah (سبحانه وتعالى) က မစောင့်ရှောက်ပေးတော့ဘူးလား။” အများအားဖြင့် ဒီလိုမဟုတ်တဲ့အတွေးတွေ ဝင်တတ်ကြပါတယ်။

ဒါဆိုရင် တစ်ခုခု က စီစဉ်ထားတဲ့အတိုင်းဖြစ်လာတယ်ဆိုရင်ရော ကျွန်မတို့ ဘာအရင်ဆုံးစဉ်းစားမိတတ်ကြသလဲ။

“ဘာလို့ငါ့ plan ကို Allah (سبحانه وتعالى) သဘောတူလိုက်တာလဲ” ဆိုတာမျိုးထက် “ငါက အရာအားလုံးအဆင်ပြေအောင်လုပ်လိုက်နိုင်တာပဲ” ဆိုပြီး ဂုဏ်ယူတာမျိုးက ပိုများနေတယ် မဟုတ်ဘူးလား။

တကယ်တမ်းကတော့ ကိစ္စတွေက ကိုယ်စီစဉ်သလိုဖြစ်သည်ဖြစ်စေ၊ ဖြစ်မလာသည်ဖြစ်စေ ဒါတွေအားလုံးက Allah (سبحانه وتعالى) သဘောတူမှ ဖြစ်တာပါ။

ကိုယ်စီစဉ်ထားတာတွေဖြစ်လာတာကလည်း Allah (سبحانه وتعالى) plan ဖြစ်သလို ကိုယ်မစီစဉ်ထားဘဲ ဖြစ်လာတဲ့ ကောင်းခြင်း၊ ဆိုးခြင်းကလည်း Allah (سبحانه وتعالى) ရဲ့ plan ပဲ ဖြစ်ပါတယ်။

သေချာတာတခုက Allah (سبحانه وتعالى) ရဲ့ plan က ကိုယ့်စိတ်ကူးထက် အမြဲပိုသာလွန်ကောင်းမွန်နေတယ်ဆိုတာပါပဲ။

ဒါ့ကြောင့် ကိစ္စတွေဟာ ကိုယ်စီစဉ်ထားသလို ဖြစ်လာခဲ့ရင် အလ်ဟမ်းဒိုလိလ္လာဟ် ကို ရွတ်ဆိုပြီး Allah (سبحانه وتعالى) ရဲ့ plan ဆိုတာကို မမေ့သင့်သလို၊ ကျွန်မတို့ စီစဉ်ထားတဲ့အတိုင်းဖြစ်မလာခဲ့ရင်လည်း Allah (سبحانه وتعالى) plan က ငါလုပ်နေတာထက် ပိုကောင်းတာဖြစ်လာမှာဆိုတာကို ယုံကြည်လက်ခံပြီး ကိုယ့်ကိုယ်ကို သတိပေးတတ်တဲ့ အလေ့အကျင့်လေး လုပ်ဖြစ်နေမယ်ဆိုရင် ကိစ္စတိုင်းဟာ စိတ်ပျက်စရာမကောင်းသလို confident muslim တစ်ယောက်အဖြစ် စိတ်ဓာတ်ပိုင်းဆိုင်ရာ အထောက်အကူ ပေးနေမှာ အသေအချာပါပဲရှင်။