𝐇𝐚𝐛𝐢𝐭 𝐍𝐨.𝟏𝟎- 𝐇𝐚𝐛𝐢𝐭 𝐨𝐟 𝐒𝐞𝐞𝐤𝐢𝐧𝐠 𝐊𝐧𝐨𝐰𝐥𝐞𝐝𝐠𝐞

အသိပညာရှာဖွေလေ့လာခြင်း အလေ့အကျင့်

---

အစ္စလာမ်သည် အသိပညာရှာဖွေလေ့လာခြင်းကို အရေးပေးလေ့ရှိပါသည်။

ကျမ်းမြတ်ကုရ်အာန်ထဲတွင် ဆင့်ပြန်ထားသော ပထမဆုံး အာယတ် ၅ ကြောင်း ကို ပြန်လေ့လာကြည်မယ်ဆိုလျင် “”(ဖတ်ပါ) ဆိုတဲ့စကားလုံးကို ၂ ကြိမ်၊ “”(ဖောင်တိန်) ကို ၁ ကြိမ် နှင့် “‘(သင်ကြားသည်) ကို ၂ ကြိမ် ရည်ညွန်းဖော်ပြထားတာကို ကျွန်မတို့ မြင်တွေ့နိုင်ပါတယ်။

အစ္စလာမ်က ပညာလေ့လာသင်ယူခြင်းကို ဘာသာရေးတာဝန်တစ်ရပ်အနေဖြင့် မွတ်စ်လင်မ် တွေကို သင်ကြားပေးထားပါတယ်။

မိမိအတွက်ရော တခြားသူများအတွက်ပါ အကျိုးရှိစေရန် ရည်ရွယ်ချက် နှင့် ပညာလေ့လာမယ်ဆိုလျင် နမာဇ်အပိုထပ်ဖတ်သလို၊ ရိုဇာရက်အပို ထားသလိုမျိုးပါ ကုသိုလ်အကျိုးဆဝါးဗ် တွေ ရရှိမှာ ဖြစ်ပါတယ်။

ကျမ်းမြတ်ကုရ်အာန်အပြင် တမန်တော်မြတ် သည် ကျွန်မတို့အား knowledge ၏ အရေးပါပုံကို လည်း သိမြင်စေပါသည်
အစ္စလာမ်တွင် ယုံကြည်ကိုးကွယ်မှု (Faith) နှင့် အသိပညာ(Knowledge) သည် ခွဲခြား၍မရနိုင်အောင် ရောယှက်နေပါသည်။

အသိပညာ၏ အရေးပါပုံကို ပေါ်လွင်စေသည့် တမန်တော်မြတ် ၏ တစ်ချို့သော မိန့်ဆိုချက်များမှာ-

 မည်သူမဆို အသိပညာကို ရယူနိုင်မည့် နည်းလမ်းများကိုရှာဖွေနေလျင် ဖန်ဆင်းရှင် သည် ထိုသူ၏ ဂျန္နတ်သို့ ဝင်ရောက်နိုင်ခြင်းကို ပံ့ပိုးပေးပါလိမ့်မည်။ (Sahih Muslim)

 အသိပညာကိုရှေ့ဆက်ရှာဖွေနေသော သူ အား အလ္လာဟ့်အမိန့်မခံယူမခြင်း ရုန်းကန်နေသူအဖြစ် သတ်မှတ်ခြင်းခံရမည်ဖြစ်သည်။ (Tirmithi)

 ပညာရှာဖွေရန်မှာ မွတ်စ်လင်မ်တိုင်း၏ မလုပ်မနေရ တာဝန်ဖြစ်သည်။ (Ibni-Majah)

 ကိုယ်စောင့်နတ်တို့သည် ကျောင်းသားတစ်ဦးအတွက် သူတို့၏ အတောင်ပံများကို ဖြန့်ထားပေးမည်ဖြစ်သည်။ (Bukhari)

အထက်ပါအချက်တွေအရ ကျွန်မရဲ့ မိတ်ဆွေတို့လည်း ပညာလေ့လာခြင်းရဲ့ အရေးပါပုံ၊ အကျိုးရှိပုံကို မြင်သာပြီး ဘယ်အသက်အရွယ် အပိုင်းအခြားမှာပဲ ရှိနေပါစေ ဆက်ပြီး အသိပညာ၊ အတတ်ပညာတွေကို ဆက်လေ့လာပြီး တခြားသူများကိုပါ ပြန်လည်မျှဝေပေးနိုင်ကြပါစေလို့ ဆုမွန်ကောင်းဒိုအာတောင်းပေးလိုက်ပါတယ် ရှင်။